"İnter”in baş məşqçisi Kaxaber Tsxadadze klubun rəsmi saytına müsahibə verib.
Bir çox suala cavab verən gürcü mütəxəssis komandanın daha da güclü çıxış etməsinin vacibliyini vurğulayıb. Tsxadadze bəzi futbolçularla çalışmaqdan imtina etməsi barədə də danışıb və komandanın yeni oyunçuları haqqında fikirlərini bölüşüb. O, yeni mövsümə hazırlıq planlarından bəhs edib.
-Mövsümün başa çatmasından sonra komanda bəzi futbolçularla yolunu ayırdı, kimsə komandanı öz istəyilə tərk etdi, bəzilərilə isə müqavilənin müddətinin uzadılmaması barədə qərar qəbul olundu...
-Gəlin sıra ilə danışaq. Mövsümün əvvəlində dəvət edilmiş, ancaq komandaya kömək edə bilməyən futbolçulardan-Jivko Jelev və Mario Souzadan başlayaq. Biz onları artıq qışda transferə çıxarmışdıq, lakin onlar özlərinə yeni komanda axtarmadılar və buna görə də, onları "Simurq” komandasına icarəyə verilməsi qərara alındı. Yəni bu oyunçularla yollarımızı hələ mövsümün gedişində ayırmağı planlaşdırmışdıq.
İndisə gənc yerli futbolçular – Tofiq Mikayılov və Səbuhi İsmayılov barəsində danışaq. Biz onları oyun praktikası əldə etmək və özlərini yaxşı tərəfdən nümayiş etdirmək niyyətilə icarəyə göndərdik, lakin təəssüf ki, bu, baş vermədi və onların yerinə digər azərbaycanlı gənc futbolçular cəlb etməyə başladıq.
David Odikadze və Kaxaber Mjavanadze barədə nə deyə bilərəm? Bu futbolçulara yalnız minnətdarlığımı bildirmək istəyirəm. Onlar "İnter”in 2010-ci ildə Azərbaycan çempionu və 2011-ci ildə Birlik Kuboku titullarının qazanılmasında böyük rol oynadılar. D.Odikadzeyə Tbilisinin "Dinamo” komandasından təklif gəldi və o, bu komandaya keçmək barədə qərar qəbul etdi. Kaxaber Mjavanadze zədədən sonra uzunmüddət bərpa prosesini yaşadı və bu prosesi sona çatdıra bilmədi. Bundan başqa, belə ağır zədədən sonra süni otörtüyündə oynamaq onun üçün çətin idi və buna görə də qarşılıqlı razılıq əsasında əməkdaşlığımızı davam etdirməmək barədə qərar qəbul etdik.
Aleksandr Çertoqanovun məsələsi ayrıca mövzudur. İki il öncə mən "İnter”də işləməyə başladığım zaman ilk xahişim Aleksandr Çertoqanovun və Mahir Şükürovun komandaya cəlb edilmələri olmuşdu. O zaman hər iki futbolçu üçün mövsüm o qədər də uğurlu alınmamışdı, onlar qeyri-stabil oynayırdılar, lakin bununla belə mənim onların potensialları barədə heç bir şübhəm yox idi. Mən həmişə bu oyunçulara inanırdım. Demək istəyirəm ki, əgər Mahir Şükürov üzərində səylə işləyərsə, o zaman Avropanın demək olar istənilən klubunda oynaya bilər. Amma Aleksanr Çertoqnovun məsələsinə qayıdaq. Bir daha təkrar edirəm, onun potensialı barədə məndə heç zaman şübhəm yaranmayıb, Saşanın bir çox yaxşı keyfiyyətləri var. Mən ona da minnətdaram, karyerasının iki ilini "İnter”ə həsr etdi və yuxarıda sadalanan titulları qazanmaqda bizə yardımçı oldu. Ancaq futbol həyatı qısadır və onun "Qəbələ”dən sərfəli təklif alması barədə söhbətlər dolaşan zaman, halbuki onu heç buraxmaq istəmirdim, ona belə dedim: "Seçimi özün et! Mən də futbolçu olmuşam və futbolçu karyerası əbədi deyil. Buna görə də qərarı özün qəbul et, onun necə olmasından asılı olmayaraq, qərarına hörmətlə yanaşacağam”. Nəticədə "Qəbələ”də onun üçün daha yaxşı olacağını hesab etdi. Saşaya yeni komandasında uğurlar arzulayıram və "İnter”də keçirdiyi illərə görə ona bir daha təşəkkür edirəm.
Haqqında danışmaq istədiyim növbəti futbolçu Filip Despotovskidir. Biz bu futbolçunu komandaya "sökülmüş” halda cəlb etmişdik, buna görə də, onunla çox işləmək lazım gəldi. Filip pis futbolçu deyil, Makedoniya millisinin oyunçusudur, lakinbirinci dövrədə "Simurq”la oyun zamanı aldığı zədədən sonra o, təəssüf ki, özünə gələ bilmədi. Onun arsenalında da həmçinin bir çox yaxşı keyfiyyətlər var: o, futbolu yaxşı anlayır, meydanı yaxşı görür, ancaq, təəssüf ki, makedoniyalı bu keyfiyyətlərini meydanda nümayiş etdirməyi bacarmadı. Buna görə də onunla müqavilə müddətinin uzadılmaması qərara alındı.
Rövşən Əmiraslanov barədə nikbin nəsə deyə bilmərəm. Hesab edirəm ki, onun üçün çox işlər görmüşəm, futbolçu kimi formalaşmasına kömək etmişəm. O, çox şey öyrəndi, lakin onun başqa kluba keçmək barədə qərarını, doğrusu, anlamıram. O, hətta zəng etmədi, getməsi barədə məlumat vermədi. Nə etmək olar...Deyə bilərəm ki, şəxsən mənim xahişimlə bu futbolçunun iki dəfə əmək haqqı artırılmışdı. Mövsümü uğursuz başa vurmağımıza baxmayaraq, onun gələcək il üçün imzalanacaq müqaviləsinin maliyyə tərəfini yaxşılaşdırmaq planlaşdırılırdı, lakin o, "Qəbələ”yə keçmək barədə qərar qəbul etdi. Onun qərarıyla bağlı məndə inciklik yarandı, axı, hesab edirəm ki, bu oyunçu üçün çox işlər görmüşəm. Amma hər halda mən kinli insan deyiləm, ona da karyerasında səmimi qəlbdən uğurlar və əmin-amanlıq arzulayıram.
İndisə Dmitri Kruqlov barəsində danışmaq istəyirəm. Biz bu oyunçunu "Lex” komandasıyla matçöncəsi anlaşmışdıq. Polşalılarla matça bir həftə qalmış biz çox keyfiyyətli futbolçunu, komandamızda böyük rol oynamış Andrey Rubinsi itirdik və bizə təcili sürətdə sol cinah oyunçusu tələb olundu. Oyun sistemimizdən çıxış edərək lazım gəldiyi halda Dmitri sol hücumçusu mövqeyində oynamalıydı. Lakin təəssüflər olsun ki, o, bunun üçün lazımi keyfiyyətlərə malik deyildi. Onun çalışqanlıq, güclü zərbə,- təəssüf ki, ötən mövsümdə bu keyfiyyətini nümayiş etdirə bilmədi,-kimi yaxşı keyfiyyətləri var. Amma o, Rubinsin mövqeyində çıxış edə bilmədi, bu futbolçular həddən artıq müxtəlifplanlı futbolçulardır. Lakin İlia Kandelakinin zədələnməsindən sonra D.Kruqlovu sol müdafiəçi mövqeyinə keçirdik və orada inamla oynadı. Yeri gəlmişkən, Estoniya millisində də o, məhz sol müdafiəçi mövqeyində çıxış edir və mən hesab edirəm ki, bu, onun yeridir. Buna görə də bizdə elə bir vəziyyət yarandı ki, eyni mövqedə oynayan iki futbolçu-İ.Kandelaki və D.Kruqlov arasında seçim etmək lazım gəldi. Biz də İ.Kandelakinin xeyrinə seçim etdik.
Heç bir halda D.Kruqlovun kvalifikasiyasını şübhə altına almaq istəmirəm, ancaq, doğrusu desək, hazırda eyni mövqedə çıxış edən iki yüksək səviyyəli futbolçunu saxlaya bilmərik. D.Kruqlova karyerasında uğurlar arzulayıram, mən əminəm ki, o, yeni klubunda özünü göstərəcək.
-Dmitrinin özü bu yaxınlarda verdiyi müsahibədə bildirmişdi ki, "İnter”dən getməsi barədə, komandaya lazım olmaması haqqında məlumatı mətbuatdan öyrənib...
- Lazım deyil-doğru anlayış deyil, demək olmaz ki, D.Kruqlov bizə lazım olmadı. Mən vəziyyəti ətraflı izah etdim, bu oyunçuyla ayrılmağın səbəblərini açıqladım. Onunla müqavilə müddətini yalnız yaranmış vəziyyətlə bağlı uzatmadıq. Bu qərar onun kvalifikasiyasıyla bağlı deyil.
Bu, adi iş anıdır. Mən D.Kruqlova bu qərara anlaşıqla yanaşmasını xahiş edirəm . Ona futbolçuyla "İnter” arasında düşmənçiliyin olmasının sərf etdiyi və vəziyyətdən öz xeyirlərinə istifadə etməyə çalışan insanların təsiri altına düşməməsi lazımdır.
-İndiyədək Baltikyanı ölkədən olan futbolçuyla-Robertas Poşkusla bağlı yaranmış məsələ hələ də açıq qalır...
-Biz Robertas Poşkusu şəxsən mənim xahişimlə komandaya cəlb etmişik. O zaman o, 6 ay oyun praktikasına malik deyildi, artıq çəkili "dağılmış” vəziyyətdəydi. Lakin mən bilirdim ki, o, güclü, təcrübəli futbolçudur və onun futbol oynaya bildiyinə heç bir şübhəm yox idi. O, 2009-2010-ci il mövsümünü çox yaxşı oynadı, Girts Karlsonsla birlikdə 23 qol vurdular, bununla yanaşı, bütün oyunlar Azərbaycan çempionatında bizim qələbəmizə böyük töhfəsini vermişdi.
Ancaq növbəti mövsümə R.Poşkus lazımi qaydada hazırlaşa bilmədi, ona görə ki, toplanışlarda çox sayda məşq buraxmışdı. Axı, o, komandaya başqalarından gec qoşulmuşdu. Sonra onun qeyri-stabil dövrü başlandı. Onun fizioloji göstəricilərdən çıxış edərək deyə bilərəm ki, formada olması üçün daim məşq etməlidir, ona çox məşq etmək etmək lazımdır. Nə qədər çox məşq edirdisə, bir o qədər yaxşı oynayırdı. Təəssüf ki, ötən il onun oyununda eniş başlandı, biz onunla bu barədə söhbət etdik. Qışda vəziyyət yenidən təkrarlandı və ona qarşı cəza tətbiq edildi. Lakin biz ona daha bir şans verdik, klubun da onun köməyinə ehtiyacı vardı. Ancaq nəticə əldə edilmədi, o, mövsümün ikinci hissəsini də uğursuz başa vurdu. Fikirləşirəm ki, onun üçün komandanı dəyişmək daha yaxşı olar. Onun xarakterini bilərək şübhə etmirəm ki, o, yeni klubunda özünü göstərəcək. Bilirsiniz, elə anlar olur ki, futbolçu şəraiti dəyişməlidir və R.Poşkusla bağlı vəziyyət bu qəbildəndir.
İndi klubdan getmiş futbolçular barədə çox yazırlar. Lakin demək istəyirəm ki, sadalanan futbolçular üçün mən çox işlər görmüşəm və onlar kluba kömək etməklə mənə əvəzini veriblər. Onların sayəsində iki mövsüm ərzində iki mükafat qazandıq. İki il ərzində çalışdığım, ancaq bu mövsümdə işləməyəcəyim futbolçulara səmimi minnətdarlığımı bildirirəm və ürəkdən onlara uğurlar arzulayıram.
-Bundan başqa, ilk mərhələdə Bronislav Çervenka və Nizami Hacıyevlə müqavilə müddətini uzatmamaq qərara alınmışdı. Lakin sonradan onlar komandayla birlikdə Türkiyəyə yollandılar...
-Bronislav Çervenka xasiyyətcə liderdir. O, kifayət qədər sanballı yaşdadır, ancaq bu planda mənim başqa yanaşmam var. Avropada futbolçunun pasportuna baxmırlar və mən də hesab edirəm ki, belə etməyə dəyməz. Yaxşısı budur meydana baxasınız, axı, matç boyu B.Çervenkanın komandanın digər daha gənc futbolçularından daha çıx fiziki-taktiki hərəkətləri var. O, hamıdan daha çox işləyir, ürəkdən oynayır və bu futbolçu gənclər üçün nümunədir. Hazırda bizim komandada çox yerli gənc futbolçular cəmləşib-bu, bizim siyasətimizdir, biz buna tədricən addımladıq. Zənnimcə, "İnter”in heyətində bu qədər azərbaycanlı futbolçu heç zaman olmayıb. Onların böyük əksəriyyəti gənc oyunçulardır, hansılar ki, onlara yol göstərmək lazımdır və kiminsə arxasınca getmələri lazımdır və belə futbolçu da məhz B.Çervenkadır. Bundan başqa, bizim heyətdə gənc futbolçuların nümunə götürə biləcəyi digər futbolçular da var-Valeri Abramidze, Georgi Lomaya, İlia Kandelaki və Vladimir Levin.
Bronislav Çervenkanı komandaya qaytarmaq mənim qərarımdır. Biz maliyyə planında danışdıq, o, doğrusu, kompromisə getdi və mən komandada qalmasına razılıq verdiyinə görə ona minnətdaram.
Nizami Hacıyevə gəldikdə onu deyə bilərəm ki, bu oyunçunu biz ötən yayda komandaya cəlb etdik, özü də pulsuz yox, ona görə pul ödədik. Özünün birinci komandasında-"Xəzər-Lənkəran”da o, demək olar, oynamırdı. Qəlbən çox təmiz və yaxşı oğlandır, lakin bununla yanaşı, ona ciddilik çatışmır. Nizami özünə və işinə ciddi yanaşmır. Mən ona ciddi olmağı məsləhət görərdim. Ona görə ki, ona hər zaman şans verilməyəcək və şanslardan istifadə etməyi bacarmaq lazımdır. Hesab edirəm ki, bu, onun "İnter”də möhkəmlənməsində sonuncu şansıdır. Keçirdiyimiz məşqlərdən çıxış edərək deyə bilərəm ki, o, hələlik ciddi-cəhdlə işləyir. Lakin bu, yalnız indi olmamalıdır-bu səy onda hər zaman olmalıdır. Onun məsələsi hələlik açıq qalır, amma tezliklə mütləq həllini tapacaq. Hər şey ondan asılıdır.
-Komanda 3 yerli futbolçu transfer etdi. Yeni futbolçular barədə nə deyə bilərdiniz?
-Ruslan Poladovdan başlamaq istərdim. Bu futbolçunu mən hələ "Standart”da işləyərkən tanıyırdım və hesab edirəm ki, Azərbaycanın ən yaxşı sol müdafiəçilərindən biridir. Mənim sistemimi bilən şəxslər anlayırlar ki, mənə hücumlara qoşulmağı bacaran cinah müdafiəçisi lazımdır və Ruslan Poladov məhz belə keyfiyyətə malikdir. Məşqlər zamanı onu müşahidə edərkən peşəkarlığından məmnun qalıram. İnanıram ki, o, bizə kömək edəcək.
Mən Sami Zərgərovu "İnter”in heyətində çoxdan görmək istəyirdim. Bu oyunçuya biz hələ qışda təklif etmişdir. Amma o zaman "Gəncə” onu buraxmaq istəmədi və onu komandaya məhz indi cəlb edə bildik. Keçirilən ilk məşq sınaqlarından belə deyə bilərəm ki, onun böyük ehtiyatı və yaxşı fiziki göstəriciləri var. Bir də ki, Samir futbolu yaxşı anlayır. Lazım gəldiyi zaman vəziyyəti gərginləşdirə bilir, o, həmişə qapılara istiqamətlidir. Yeganə mənfi cəhəti təlim görməməsindədir, lakin bu problem üzərində birlikdə işləyəcəyik. Samir insan kimi xöşuma gəldi, o, çox təvazökar və sakit insandır. Mən çox istərdim ki, onu Azərbaycan millisinə qaytarım. Xatırlayırsınız, bir vaxtlar hamı A.Çertoqanovu unutmuşdu, ancaq sonradan o, milli komandada oynadı! Vladimir Levin də milli komandada özünü başqa tərəfdən göstərdi. Bütün bu nümunələr məni çox sevindirir. Mən arzu edirəm ki, Samir də milli komandanın futbolçu olsun, lakin bu məsələdə o, mənə kömək etməlidir.
Xəyal Mustafayev bizim üçün yeni-köhnə futbolçudur, axı, biz onu çox yaxşı tanıyıq. O, çox işləyən oğlandır, heç vaxt artıq iddiaları yoxdur. Bununla yanaşı, o, həmişə ambisiyalıdır. Fikirləşirəm ki, Ruslan və Xəyalın komandaya cəlb etməklə biz ötən mövsüm yaranan cinahlardakı boşluqları bağladıq.
-Biz təsdiqləyə bilərikmi ki, bu transferlərlə "İnter” heyətini yerli futbolçularla tamamlama işini başa çatdırdı?
-Bəli. Düşünürəm ki, tamamladı. Onu da qeyd edək ki, bizə bir çox klubun maraq dairəsində olan Vladimir Levini komandada saxlamaq müyəssər oldu. Etiraf edim ki, bu futbolçuya mən xüsusi yanaşıram, məhz mənim təşəbbüsümlə o, komandanın kapitanı təyin edildi. A.Çertoqanov kimi, onun da komandada qalmasını çox istəyirdim. Şadam ki, o, bizimlə əməkdaşlığı davam etdirməyə razılıq verdi. V.Levin artıq klubla yeni müqavilə imzalayıb və komandaya qoşulub. Ümid edirəm ki, növbəti mövsümdə də o, komandanın lideri olacaq.
Əlavə edim ki, biz toplanışa daha bir yeni futbolçunu dəvət etmişik. Bu futbolçu topla pis davranmır, sürətli düşünür. Təəssüf ki, o da təlimsizlikdən əziyyət çəkir, ona koordinasiya üzərində işləmək lazımdır, başla oyunu və mübarizəni təkmilləşdirmək zəruridir, axı, bunlar mərkəz müdafiəçisi üçün çox vacib keyfiyyətlərdir.
Bir qədər sonra biz onun taleyi barədə danışarıq. Onun məsələsində mənim şəxsi fikrim var. Deyə bilərəm ki, mən onun komandada qalmasına və davamı olan bir illik müqavilə imzalamasına etiraz etmirəm.
-Legioner futbolçuların alınmasıyla bağlı işlər necə gedir?
-Ötən il biz çox səhvlər buraxdıq, buna görə də avrokuboklardan kənarda qalmaqla cəzalandıq. Belə səhvləri bir daha buraxmayacağıq. O zaman bir çox futbolçunu baxışdan keçirdik və buna görə çox vaxt itirdik. Tanımadığımız futbolçular gəlirdi. Onları yoxlamağa başladıq, lakin baxışda onlar heç nə nümayiş etdirə bilmədilər və geriyə qayıtdılar.
Bununla bağlı biz klub prezidentilə söhbət etdik. Yeri gəlmişkən, mövsümün başa çatmasından sonra bizim çox məhsuldar toplantımız oldu və orada klubun sahibi və prezidenti də iştirak edirdi. Biz uzun müddət bu sualları müzakirə etdik və son nəticədə belə qərara gəldik ki, ötən il buraılmış səhvləri təkrarlamamaq məqsədilə bu detalları birlikdə həll edək.
Deyim ki, biz çox namizədi nəzərdən keçiririk. Sonra biz onları dəvət edəcəyik və əgər onlar özlərini yaxşı tərəfdən göstərsələr, prezident və klub sahibilə onun alınması məsələsini müzakirə edəcəyik.
-İndi Türkiyə toplanışı barədə danışaq. Öncə deməyinizi xahiş edirəm, futbolçular hansı vəziyyətdə gəlmişdilər?
-Müxtəlif. Yaxşı ki, hazırlıq üçün bizim çox vaxtımız var. Son 3-4 il demək olar dincəlmədiklərini bilərək biz onlara istirahət üçün vaxt verdik və uşaqlar əla dincəliblər. Təbii ki, bu onların fiziki vəziyyətlərinə təsir göstərib, onlar o qədər də yaxşı vəziyyətdə gəlməmişdilər. Lakin bu qorxulu deyil, ona görə ki, biz belə vəziyyəti təxmin etmişdik və buna hazırlaşırdıq.
Türkiyə toplanışında biz böyük həcmli iş görürük və mənə xoşdur ki, futbolçular buna tab gətirirlər. Xoşdur ki, onlar tapşırıqlarını çox ciddi-cəhdlə yerinə yetirirlər. Türkiyədə ilk məşqpncəsi uşaqlar belə dedim: "Birlik Kuboku beynəlxalq turnirində uğur qazanmağımıza baxmayaraq ölkə çempionatını uğursuz başa vurduq. Bəli, kubokun finalında bəxtimiz gətirmədi, lakin bu, bəraət deyil”.
Buna baxmayaraq klub rəhbərliyi mənə etibar etməkdə davam etdi, bizim məşqçilər heyətinə etimad göstərdi, biz də öz növbəmizdə bu gün komandada bir araya gələn futbolçulara inandıq. Odur ki, biz biz ötənilki səhvlərimizi analiz etməliyik, başımızı aşağı salaraq işimizi görməliyik. Növbəti mövsümdə biz özümüzü yalnız yaxşı tərəfdən göstərməliyik, hansı ki, bunu 2009-2010-cu il mövsümündə nümayiş etdirmişdik. Ancaq bir daha təkrar edirəm ki, bizə mütləq güclənmək lazımdır.
-Məlumdur ki, bu toplanışın gedişində yoldaşlıq maçtların da keçirilməsi nəzərdə tutulur...
-Səmimi deyim ki, bu matçlar bizim üçün sırf məşq xarakteri daşıyır. Onlar yalnız bir məqsədi- futbolçulara oyun vərdişlərini qaytarmağı güdəcək. Bu oyunlar başqa cür nəzərdən keçirilməyəcək. Bu toplanışı biz növbəti hazırlıq üçün fundament kimi qiymətləndiririk. Biz buraya 3 həftəlik müddətinə ona görə gəlmişik ki, çox qacaq və çox işləyək. Bir daha təkrar edirəm ki, bu qarşılaşmalar sırf məşq xarakteri daşıyır.