İnter FK Qeyri Rəsmi Azarkeş Saytı

Georgi Adamiya Doroşa yaxınlaşdı

defaultNick — Mon, 27 Aug 2012 07:08:48 GMT

Gürcüstanlı futbolçu Georgi Adamiya Bakının "İnter" klubunun heyətində Premyer Liqada ilk qolunu vurub. Sportal.az xəbər verir ki, bununla da yarımmüdafiəçi Azərbaycan Premyer Liqasında heyətində qol vurduğu klubların sayını 4-ə çatdırıb.

IV turun "Turan"la səfər oyununa kimi Adamiya "Neftçi", "Bakı" və "Qarabağ" üçün də qollar vurmuşdu. 2005-ci ilin fevralında Azərbaycan çempionatında debüt edən Georgi ölkəmizdə 4 və daha çox komanda ilə qol sevinci yaşayan 5-ci legioner oldu.

Ona qədər milliləşənlər də nəzərə alınmaqla yalnız 4 futbolçu ən azı 4 komandada buna nail olmuşdu. 61-ci qolunu vuran Adamiya 3 futbolçuya çatsa da, Anatoli Doroşa məxsus mütləq rekord 5-ə bərabərdir. Adamiyadan təxminən 2 dəfə az – 32 qol vuran Anatoli buna 5 komandanın heyətində nail olub.

Mənbə:agli-goylu.ucoz.net

Kaxaber Tsxadadze: "Sona qədər mübarizə aparıb qələbə qazandıq"

defaultNick — Mon, 27 Aug 2012 07:06:02 GMT

Premyer Liqanın IV turunda keçirilən "Turan" və "İnter" komandalarının oyunundan sonra hər iki komandanın baş məşqçilərinin iştrakı ilə mətbuat konfransı təşkil olundu.

Kaxaber Sxadadze, "İnter" klubunun baş məşqçisi: "Tovuza qələbə qazanmaq üçün gəlmişdik. İlk hissədə penalti zərbəsindən istifadə edə bilmədik. İkinci hissədə etdiyimiz oyunçu dəyişiklikləri bizə vacib olan üç xalı qazandırdı. Bu oyunda bizi heç-heçə qane etməyəcəkdi. Sona qədər mübarizə aparıb qələbə qazandıq. İkinci hissə "Turan" üçün triller kimi oldu".

Əsgər Abdullayev, "Turan" klubunun baş məşqçisi: "Hesabda irəlidə olmağımıza baxmayaraq, məğlub olduq. Müdafiəmiz yox kimi idi. Zəif çıxış etdik. Bunun üzərində işləyəcəyik. Bəzi futbolçuları komandadan uzaqlaşdıracağıq".

"İnter"səfərdən qələbə ilə qayıtdı

defaultNick — Mon, 27 Aug 2012 07:03:33 GMT

Premyer Liqanın IV-cü turunda "İnter" Tovuza səfər etmişdi.Yerli "Turan" komandasının qonağı olan

"bankirlər" meydana 4-5-1 taktiki düzülüşlə çıxmışdı.Kaxaber Tsxadadze start heyətində aşağıdakı futbolçulara güvənmişdi:. Georgi Lomaya, Slavço Georgiyevski, Georgi Adamiya, Asif Məmmədov, Vladimir Levin (k), Brüs Abdulay, Arif Daşdəmirov, Tales Şütz, İbrahima Niasse, Abdulla Abatsiyev, Ruslan Əmircanov.

Oyun "İnter"in hücumları ilə başlasada "Turan" inamlı müdafiə olunub qapısı qarşısında "bankirlər"ə təhlükə yaratmağa imkan vermirdi.Lakin qarşılaşmanın 36-cı dəqiqəsində cərimə meydançasında əllə oyuna görə oyunun baş hakimi meydan sahiblərinin qapısına 11 metrlik cərimə zərbəsi təyin edir.Nöqtəyə yaxınlaşan Georgi Adamiya bu şansdan yararlana bilmir.Birinci hissənin qalan dəqiqələri ərzində hesab açılmır və komandalar fasiləyə qolsuz bərabərliklə yollanırlar.

İkinci hissəyə də "İnter" aktiv başlayır və bunun nəticəsində oyunun 52-ci dəqiqəsində Georgi Adamiya fərdi ustalığını işə salıb hesabı açır.Buraxılan qoldan sonra "Turan" aktivləşir.Hücumameyilli futbol nümayiş etdirən Tovuzlular 74-cü dəqiqədə Salif Ballo ilə bərabərlik qolunu vura bilirlər.Bundan 8 dəqiqə sonra oyunun 82-ci dəqiqəsində Azər Məmmədoz meydan sahiblərini hesabda önə keçirir.Lakin "İnter" Tovuza üç xal dalınca gəldiyi üçün sona qədər mübarizə aparır.Qarşılaşmanın 87-ci dəqiqəsində Vladimir Levin hesasbda tarazlıq gətirir.Qarşılaşmanın əlavə olunmuş son dəqiqəsində 90+3 Slavço Georgiyevski "bankirlər"in qələbə qolunu vurur və "İnter" Tovuzda əzmkar qələbə qazanır.

Mənbə:interfan.az

Georgi Lomaya Vikipediya

defaultNick — Wed, 01 Aug 2012 08:40:34 GMT

Georgi Lomaya Bakının "İnter" futbol klubunun tarixinə ilk gürcü qapıçı kimi düşüb. Vətənində "Kodako", Tiflisin "Dinamo", "Merani" və "Lokomotiv"də oynayan Georgi 2003-cü ildən legioner həyatı yaşayıb. Belə ki, ilk iki ildə Moskva "Spartak"ının qapıçısı olub. Ancaq bu titullu komandada cəmi 2 oyun keçirib və 4 top buraxıb.

2004/2005 mövsümündə "Ximki"yə icarəyə verilən Lomaya daha sonra Rusiyada "Luç-Enerji", Almaniyada "Karl Tseyss", Ukraynada "Karpatı" komandasında forma geyinib. Ötən il vətəninə qayıdan Georgi Rustavi "Olimpi"sinin şərəfini qoruyub.

1998-ci ildə debüt etdiyi milli komandada 33 oyun keçirib.

Asif Məmmədov: "Uduzulası oyun deyildi"

defaultNick — Fri, 27 Jul 2012 20:41:12 GMT

"İnter"in yarımmüdafiəçisi Asif Məmmədovun Sportal.az saytına müsahibəsi.

- "Asteras"la oyun haqda danışardın...

- Oyun haqda nə deyim ki? Yaxşı keçdi. Sadəcə olaraq penalti zərbələrində məğlub olduq.

- Yunanıstan klubu ilə hər iki matçda sanki çəkinərək mübarizə apardız...

- Hər iki oyunda deməzdim. Çünki Yunanıstanda daha yaxşı mübarizə apardıq. Bunu hamı deyir. Birinci oyunda rəqibimizi yaxşı tanımırdıq. Ola bilər ki, ona görə ilk oyunda çəkinərək oynadıq. Lakin bunu cavab matçına aid etməzdim. Hətta, cavab qarşılaşmasında qələbə də qazana bilərdik.

- Demək olarmı ki, ilk oyunda 1:1 hesablı heç-heçə komandanı ruhdan salmışdı?

- Xeyir. İlk oyunda əldə etdiyimiz nəticə komandanı ruhdan salmamışdı. Düzdü, ilk görüşdə qalib gəlsəydik daha yaxşı olardı. Biz Yunanıstana yalnız qələbə üçün getmişdik. Düşünməmişdik ki, oyunda penaltilər seriyası olacaq. Qol vurmaq üçün imkanlarımız da oldu. Lakin bu şanslardan yararlana bilmədik. Hər şeyi oyunda həll edə bilərdik. Deyərdim ki, biraz nəsə çatmadı. Bu da məncə, öz səhvimizdən irəli gəlir. Çox heyiflər olsun...

- Baş məşqçi penalti zərbələrində nəyə görə sənə şans vermədi?

- Bunu mən deyə bilmərəm. Penaltinin kimin vuracağının fərqi yoxdu. Təki vurduğumuz penaltilərin hamısı qol olardı.

- Sxadadze indiyədək penalti vurmayan Georgiyevskiyə penalti vurmaq imkanı yaratdı. Bu nə dərəcədə düzgün addım idi?

- Penaltini hər bir futbolçu vura bilər. 11 metrlik zərbə qol ola da bilər, olmaya da bilər. Penalti zərbəsinin 99 faiz qol olmaq şansı var. Burda kimisə günahlandırmaq olmaz. Futboldu, belə şeylər olur. Ən yaxşı futbolçular belə, bəzən penaltini dəqiq yerinə yetirə bilmirlər.

- Səncə, uğursuzluğa nə səbəb oldu?

- Məncə, bəxt amili. Çünki "Asteras"la oyunda bəxt bizim tərəfdə deyildi. Bundan əlavə rəqib oyunçular tez-tez yerə yıxılmaqla oyunun vaxtını alırdılar. Bütün bu sadaladıqlarım uğursuzluğa səbəb oldu.

- Bu uğursuzluqdan sonra rəhbərliyin sizinlə söhbəti oldu?

- Xeyir. Rəhbərliyin bizimlə söhbəti olmayıb. Baş məşqçi görüşdən sonra dedi ki, uduzulası oyun deyildi. Hamı dilxor olmuşdu. Həqiqətən də oyuna baxdıqda görürsənki uduzulası oyun deyildi. Elə buna görə hamımız dilxor olmuşuq.

- Yəqin ki, növbəti mərhələyə çıxa bilməməyiniz komandada olan ümumi ab-havanı korlayıb...

- O dərəcədə pis uduzmadıq ki, komandada olan ab-hava korlansın. Əgər "Asteras"a 2:0, 3:0 uduzsaydıq əhvalımız tam korlanardı. Yəni, biz rəqibə oyunda deyil, lotereyada uduzduq. Komanda olaraq öz oyunumuzu oynadıq. Artıq Avropa Liqası ilə vidalaşdıq. Bundan sonra çempionata yüksək səviyyədə hazırlaşacağıq.

- Növbəti mövsümdə "İnter"in hədəflərini açıqlayardın...

- Növbəti mövsüm komandamızın hədəfi yenə dəyişməzdi. Həmişə olduğu kimi çempionluq uğrunda mübarizə aparacağıq. Ən azından isə Avroliqaya vəsiqə qazanmaq üçün çalışacağıq.

ELVİN RÜSTƏMOV

Əlvidə Avroliqa

defaultNick — Fri, 27 Jul 2012 20:32:08 GMT

Məlumat verdiyimiz kimi, iyulun 26-da Avropa Liqasının ikinci təsnifat mərhələsi çərçivəsində "Asteras" və "İnter" komandaları arasında cavab qarşılaşması keçirildi.
Oyunun əsas vaxtı 1:1 hesabıyla başa çatdı.Qarşılaşmanın 68-ci dəqiqəsində "bankirlər"in cərimə meydançasında nəzarətsiz qalan Navaro qarşısıalınmaz zərbə ilə hesabı açır.Bundan 20 dəqiqə sonra künc zərbəsindən Daniel Qenovun qaldırdığı topa Tales Şüts başla müdaxilə edib tarazlığı bərpa edir. Əlavə edilmiş 30 dəqiqə ərzində də qalib müəyyənləşmədi. Penaltilər seriyasındasa yunanlar daha qəqiq oynayaraq(4:2) növbəti mərhələyə vəsiqə qazandılar.

Xatırladaq ki, ilk oyun 1:1 hesabıyla başa çatmışdı.

T.Şütz:"Hücumçunun əsas vəzifəsi qol vurmaqdır"

defaultNick — Wed, 25 Jul 2012 19:35:30 GMT

"İnter”in hücumçusu Tales Şütz saytımıza müsahibəsində Yunanıstanın "Asteras”(1:1) komandasıyla keçirilən oyun barədə danışdı, cavab matçı haqqında fikirlərini bölüşdü və digər suallara cavab verdi.

-"Asteras"a qarşı baş tutmuş birinci qarşılaşma 1:1 hesabıyla başa çatdı və artıq sabah komandalar arasında cavab görüşü keçiriləcək. Sizcə, "İnter" növbəti mərhələyə vəsiqə qazana biləcəkmi?

-İlk görüş artıq arxada qalıb və biz Bakıda keçirilimiş qarşılaşmanın nəticəsini unudub cavab oyuna hazırlaşırıq. "Asteras" çox yaxşı təşkil olunmuş komandadır və biz onlara hörmət edirik. Rəqib həqiqətən də çox güclüdür. Amma hədəfimiz dəyişilməz olaraq qalır, biz qələbə qazanıb növbəti mərhələyə vəsiqə əldə etmək istəyirik . Yunanıstana qələbə ardınca gəlmişik.

-İlk matçda fərqlənməyi bacarmısınız. Necə düşünürsünüz-cavab qarşılaşmada da "Asteras"ın qapısına yenə yol tapmaq mümkün olacaqmı?

-Hücumçunun əsas vəzifəsi qol vurmaqdır. Birinci matçda mən bunu bacardım və buna görə çox sevinirəm. Təbii ki, cavab qarşılaşmada da qol vurub komandamın qələbəsində pay sahibi olmaq istəyirəm.

-Yunanıstan klubunda kifayət qədər səviyyəli və təcrübəli futbolçular var. Sizcə, sabahkı matçda bu oyunçulardan hansısı "İnter" üçün daha təhlükəli ola bilər?

-Rəqibin heyətində hansısa futbolçunu fərqləndirmək istəməzdim. Yunanıstan klubunun heyətində oynayan bütün futbolçular yaxşı keyfiyyətlərə malikdirlər. Bu komandanın heyətində çıxış edən hər bir oyunçuya qarşı diqqətlə oynamalıyıq.

-Yeri gəlmişkən, Yunanıstan azarkeşləri hər zaman komandalarını fəal şəkildə dəstəkləyirlər. Sizcə, Tripolis stadionundakı atmosfer "İnter"ə necə təsir göstərəcək?

-Stadiondakı atmosfer bizi qorxutmur, əksinə, daha da stimullaşdırır və motivasiyanı artırır. Biz öz futbolumuzu ortaya qoyub növbəti mərhələyə vəsiqə əldə etməliyik.

Mənbə:inter.az

“Biz Yunanıstana gəzməyə yox, mərhələ keçmək üçün gedirik”

defaultNick — Tue, 24 Jul 2012 16:57:44 GMT

"Biz səfər oyununa ciddi hazırlaşmışıq. Komanda məşqçilər korpusunun tələblərinə uyğun şəkildə matça hazırlaşıb. Komandada hər şey qaydasındadır”.

Bu sözləri futbol11.az saytına açıqlamasında Bakının "İnter” klubunun yarımmüdafiəçisi Asif Məmmədov deyib. Təcrübəli oyunçu "Asteras”la oyunla bağlı fikirlərini bölüşüb. O, "İnter”in mərhələ keçəcəyinə ümidvardır: "İnşallah, biz Yunanıstana mərhələ adlamağa gedirik. Niyə də olmasın ki? Evdə 1:1 oynadığımız rəqibi səfərdə məğlubiyyətə uğrada da bilərik. Bunun üçün çalışmaq və ruh yüksəkliyi lazımdır ki, o komponentlər də bizdə var”.

Qeyd edək ki, cavab matçı iyulun 26-da keçiriləcək.

Mənbə: Futbol11.az

“Asteras” keçiləsi komandadı”

defaultNick — Tue, 24 Jul 2012 08:18:36 GMT

Azərbaycan futbolunun veteranı İsgəndər Cavadov "İnter”in UEFA Avropa Liqasının ikinci təsnifat mərhələsi çərçivəsində Yunanıstanın "Asteras” klubuna qarşı keçirəcəyi cavab matçı öncəsi fikirlərini açıqlayıb. Azerisport.az xəbər verir ki, o, Tripolisdə baş tutacaq qarşılaşma ilə bağlı bunları dilə gətirib:

"İnter” cavab oyununa ilk növbədə psixoloji cəhətdən hazır olmalıdı. Əgər qələbəyə inanmırsansa, buna nail olmaq çətin məsələdi. "İnter” də uğur qazanacağına tam əmin olmalı, inanmalıdı. "Asteras” keçiləsi komandadı”.

Qeyd edək ki, bu komandalar arasında Bakıda keçirilən ilk oyunda 1:1 hesablı heç-heçə qeydə alınmışdı. Cavab oyunu isə iyulun 26-da Tripolisdəki "Asteras Tripolis” stadionunda keçiriləcək və saat 22:00-da başlayacaq.

Mənbə:agligoylu.tk

Georgi Lomaya: Penaltilərə də hazıram

defaultNick — Tue, 24 Jul 2012 08:09:37 GMT

"İnter”in qapıçısı Georgi Lomaya UEFA Avropa Liqasının ikinci təsnifat mərhələsi çərçivəsində Yunanıstanın "Asteras” klubuna qarşı keçirəcəkləri cavab matçı öncəsi fikirlərini açıqlayıb. Azerisport.az saytına müsahibəsində, o, Tripolisdə baş tutacaq qarşılaşma ilə bağlı bunları dilə gətirib:

"Bizə cavab matçında daha diqqətli oynamaq lazımdı. Erkən qol vurmağımız pis olmazdı. Bu, bizim işimizi çox asanlaşdırardı. Perronenin meydandakı hər hərəkətini nəzarətdə saxlamaq lazımdı. O, çox təhlükəli hücumçudu. Penalti seriyası? Mən ona da hazıram”.

Mənbə:agligoylu.tk