Son mövsümü "Kəpəz”də keçirən Yuri Fomenkonun "İnter”ə keçidi hələ də öz təsdiqini tapmayıb.
Qol.Az-ın əldə etdiyi məlumata görə, ukraynalı futbolçunun məsələsi açıq olaraq qalır. Yaxın 1 həftə ərzində hər şeyə aydınlıq gələcək.
Bu arada "İnter” böyük ehtimalla gənc yarımmüdafiəçisi Elnur Abdulovu heyətində saxlayacaq. Mövsümün əvvəlində özünü yaxşı tərəfdən göstərən Abdulov sonradan baş məşqçinin qəzəbinə tuş gəlmişdi.
Belə ki, onun mətbuata verdiyi müsahibə gürcü mütəxəssisin xoşuna gəlməmiş və o, futbolçunun ulduz xəstəliyinə tutulduğunu iddia edərək, onu ehtiyata göndərmişdi.